Haqqında
Gülnar Nəcəfova, uzman pediatr
Gülnar Nəcəfova uşaq sağlamlığı və xəstəlikləri üzrə mütəxəssisdir (uzman pediatr). Ali tibb təhsilini 2004–2010-cu illərdə Azərbaycan Tibb Universitetinin Pediatriya fakültəsində alıb. İxtisas təhsilini İstanbulda, Marmara Universiteti Tibb fakültəsinin Uşaq Sağlamlığı və Xəstəlikləri kafedrasında başa vurub. Hazırda Bakıda, Pediatriya Mərkəzində və Sağlam Ailə Tibb Mərkəzində çalışır.
Təhsil
Təhsil və ixtisas hazırlığı
-
2004–2010
Azərbaycan Tibb Universiteti
Pediatriya fakültəsi
-
İxtisas təhsili
Marmara Universiteti Tibb fakültəsi, İstanbul
Uşaq Sağlamlığı və Xəstəlikləri kafedrası (türkcə: Çocuk Sağlığı ve Hastalıkları Anabilim Dalı)
-
2023
İxtisas tezisi
Türkcə: Tıpta Uzmanlık Tezi. Elmi rəhbər: Prof. Dr. Elif Karakoç Aydıner
-
Hazırda
Pediatriya Mərkəzi və Sağlam Ailə Tibb Mərkəzi
Uzman pediatr, Bakı
İxtisas tezisi
İnək südü zülalına allergiya və qida etiketləri
- İl
- 2023
- Universitet
- Marmara Universiteti Tibb fakültəsi, Uşaq Sağlamlığı və Xəstəlikləri kafedrası
- Elmi rəhbər
- Prof. Dr. Elif Karakoç Aydıner
- Qeydiyyat
- YÖK Milli Tezis Mərkəzi, Tez No: 853458
Orijinal adı (türkcə)
“0-5 yaş arası inek sütü protein alerjisi olan çocukların ebeveyn ve/veya bakım verenlerinin besin içeriği ve etiket okuma konusunda bilgi, beceri ve alışkanlıklarının değerlendirilmesi”
Azərbaycan dilində
“İnək südü zülalına allergiyası olan 0–5 yaşlı uşaqların valideynlərinin və onlara qulluq edən şəxslərin qida tərkibi və etiket oxuma mövzusunda bilik, bacarıq və vərdişlərinin qiymətləndirilməsi”
Tədqiqat Marmara Universiteti Tibb fakültəsinin Uşaq Allergiyası və İmmunologiyası bölməsində aparılıb. Bu bölmədə izlənilən, inək südü zülalına allergiyası olan 0–5 yaşlı 119 uşaq və onların ailələri tədqiqata cəlb olunub. İşdə valideynlərin qida etiketlərində süd və süd məhsullarını tanıma bilikləri, bacarıqları və gündəlik vərdişləri öyrənilib. Ailələrin süd məhsullarını qidadan çıxaran pəhrizdən (eliminasiya pəhrizindən) məmnunluğu və bu pəhrizə əməl etməsi də qiymətləndirilib.
Valideynlər qida tərkibi haqqında biliklərini etiket oxuma bacarıq və vərdişlərindən daha zəif qiymətləndiriblər. Etiket oxumağı isə faydalı, amma asan olmayan üsul kimi dəyərləndiriblər. Tezisin tövsiyəsi belədir: pəhrizin düzgün aparılması üçün ailələr qida tərkibi mövzusunda ayrıca maarifləndirilməli, bu işi asanlaşdıran imkanlar yaradılmalıdır.
Mənbə: Türkiyə Ali Təhsil Şurası (YÖK), Milli Tezis Mərkəzi, Tez No: 853458.
Klinik təcrübə
İxtisas təhsili illərində klinik təcrübə
Marmara Universitetində ixtisas təhsili illərində Gülnar Nəcəfova uşaq təcili yardım şöbəsində də növbə tutub. Yad cisim udmuş uşaqlar, kəskin allergik səpkilər, göbəkdən axıntı və qanaxma ilə gətirilən yenidoğanlar kimi müxtəlif hallarla işləyib.
Hazırkı fəaliyyət
Gülnar Nəcəfova hazırda Pediatriya Mərkəzində və Sağlam Ailə Tibb Mərkəzində uzman pediatr kimi çalışır.
Peşəkar fəaliyyət
Peşəkar və maarifləndirici fəaliyyət
-
Konfrans spikeri
26 yanvar 2026-cı ildə keçirilən “Uşaqlarda Sidik Sistemi problemləri: Diaqnostika və Klinik Yanaşma” konfransında spiker qismində çıxış edib. Konfrans Səhiyyə Nazirliyinin Elmi-Tibbi Şurası tərəfindən davamlı tibbi təhsil üzrə akkreditə olunub (10 kredit vahidi).
-
Həkimlər üçün seminarlar
Tibb həkimləri üçün seminarların təşkilində iştirak edib.
-
Təcili tibbi yardım həkimləri üçün təlimlər
Təcili tibbi yardım həkimləri üçün keçirilən elmi-praktik təlimlərdə iştirak edib. Bu təlimlərdə bronxial astmanın kəskin tutmalarının idarə olunması, zəhərlənmələrdə ilkin yanaşma, ağrının təhlükəsiz və effektiv kontrolu, hiperqlikemik vəziyyətlərin diaqnostikası və təcili müalicəsi aktual beynəlxalq tövsiyələr əsasında müzakirə olunub.
-
Regional çıxış
Bərdədə “Böyrək və sidik yolları xəstəlikləri” mövzusunda çıxış edib.
-
Regionlarda uşaqların müayinəsi
TƏBİB və TİKA-nın təşkil etdiyi uşaq sağlamlığı müayinələri çərçivəsində Zaqatalada uşaqları müayinə edib.
-
Konfrans moderatorluğu
10 oktyabr 2026-cı ildə Gəncədə keçiriləcək Milli Pediatriya Dərnəyinin Gəncə Konfransında moderator kimi iştirak edəcək.
-
Valideynlərin maarifləndirilməsi
Instagram səhifəsində və YouTube kanalında uşaq sağlamlığına dair qısa videolar və yazılar paylaşır.
Elmi tədbirlər
İştirak etdiyi elmi tədbirlər
-
Qarşıdakı tədbir
Milli Pediatriya Dərnəyinin Gəncə Konfransı
Gülnar Nəcəfova konfransda moderator kimi iştirak edəcək. Konfrans davamlı tibbi təhsil (DTT) krediti ilə akkreditasiya olunacaq.
-
“Uşaqlarda Sidik Sistemi problemləri: Diaqnostika və Klinik Yanaşma” konfransı
Gülnar Nəcəfova konfransda spiker qismində çıxış edib. Konfrans Azərbaycan Respublikası Səhiyyə Nazirliyinin Elmi-Tibbi Şurası tərəfindən davamlı tibbi təhsil üzrə akkreditə olunub, 10 kredit vahidi verilib.
-
60-cı Türk Pediatriya Konqresi
Türk Pediatriya Qurumunun konqresi. Gülnar Nəcəfovanın iştirakı konqresin sertifikatı ilə təsdiqlənir.
-
1-ci Azərbaycan–Türkiyə Uşaq Təcili Tibb və İntensiv Terapiya Konqresi
Azərbaycanda uşaq təcili tibbi yardımı və reanimasiyasına həsr olunmuş ilk konqres.
-
67-ci Türkiyə Milli Pediatriya Konqresi
-
10-cu Marmara Pediatriya Konqresi
Konqresin mövzusu: “Pediatriyada holistik və sübuta əsaslanan yanaşmalar”.
Sertifikatlar
Sertifikatlar və fotolar
Mediada
Televiziya və sosial şəbəkələr
-
“Xoş Sabah” verilişi, MTV Azərbaycan, 13 fevral 2025
Gülnar Nəcəfova verilişə uzman pediatr kimi qonaq olub.
-
Sağlam Ailə Tibb Mərkəzi ilə videolar
Uşaqlarda iştahsızlıq və yay aylarında uşaqlarda rast gəlinən xəstəliklər mövzusunda videolar.