Uşaqlarda qrip zamanı nə etməli?

Evdə qulluq: 6 addım

1. Bol maye verin. Su, kompot, duru şorba. Qızdırma və tez nəfəsalma zamanı bədən daha çox maye itirir.
2. İstirahət etdirin. Uşaq qızdırması keçənə qədər evdə qalmalıdır.
3. Qızdırmaya nəzarət edin. Həkimin tövsiyəsi ilə uşağın yaşına və çəkisinə uyğun qızdırmasalıcı verin. Uşaqlara aspirin vermək olmaz. Uşağı spirtlə və ya soyuq su ilə silməyin.
4. Yüngül qidalandırın. İştahı azalıbsa, zorla yedizdirməyin, kiçik porsiyalar təklif edin.
5. Antibiotik verməyin. Qrip virus infeksiyasıdır. Lazımsız antibiotik fayda vermir, üstəlik yan təsirlərə və mikrobların dərmanlara davamlılığına səbəb olur. Bəzi hallarda həkim antiviral dərman təyin edə bilər, bu qərar müayinədən sonra verilir.
6. Həkimə müraciət edin. Xüsusilə kiçik yaşlı uşaqlarda və xroniki xəstəliyi olanlarda qripin gedişini həkim izləməlidir.

Hansı əlamətlər təcilidir?

• nəfəs almaqda çətinlik, tez nəfəsalma, hər nəfəsdə qabırğaarası nahiyələrin içəri çəkilməsi;
• dodaqların və ya üzün göyərməsi;
• döş qəfəsində ağrı, uşağın güclü əzələ ağrısına görə yeriməkdən imtina etməsi;
• susuzlaşma: 8 saatdan çox sidik olmaması, ağız quruluğu, ağlayanda göz yaşının gəlməməsi;
• uşağın süst olması, ətrafa reaksiya verməməsi;
• qıcolma;
• 40°C-dən yüksək qızdırma;
• 3 aylıqdan kiçik körpədə 38°C və daha yüksək temperatur;
• yaxşılaşmadan sonra qızdırmanın və öskürəyin yenidən qayıtması və ya güclənməsi.

Qripdən necə qorunmalı?

• 6 aylıqdan böyük uşaqlar üçün mövsümi qrip peyvəndi barədə həkiminizlə danışın.
• Əlləri tez-tez sabunla yuyun.
• Öskürəndə və asqıranda ağız-burnu dirsəklə və ya birdəfəlik salfetlə örtməyi uşağa öyrədin.
• Xəstə uşağı sağalana qədər evdə saxlayın.